شکارپور: چوبیس گھنٹوں کے دوران قبائلی تصادم میں 9 افراد قتل
شکارپور(این این آئی)شکارپور میں قبائلی تصادم کے نتیجے میں چوبیس گھنٹوں کے دوران 9 افراد کو قتل کردیا گیا۔شکارپور میں قبائلی تصادم کے دوران قتل و غارت گری کا سلسلہ تھم نہ سکا،ضلع میں چوبیس گھنٹوں میں تصادم کے نتیجے میں 9افراد قتل ہوگئے۔مقامی افراد سمجھتے ہیں حکومت قبائلی تصادم کے خاتمے کیلئے سنجیدہ نہیں ہے جبکہ امن و امان کی خراب صورتحال سے لوگوں کا کاروبار بھی متاثر ہورہا ہے۔شکارپور کے عوام نے سپریم کورٹ آف پاکستان سے استدعا کی ہے کہ ضلع میں فوری طور پر قبائلی تصادم ختم کرانے کے لئے نوٹس لیا جائے۔
