لاہور ( نیوز رپورٹر) پاکستان پیس گروپ کے چیئرمین قمرالزماں بابر نے کہا ہے کہ انسانی سمگلنگ کے تدارک کلئے سخت اقدامات کی ضرورت ہے۔ روزگار کی خاطر وطن چھوڑنے والوں لو موت کے کنارے تک لے جانے والے کسی نرمی کے مستحق نہیں ہیں۔ یونان میں کشتی ڈوبنے سے پاکستانیوں سمیت سینکڑوں افراد کی ہلاکت اور گمشدگی پر اظہار افسوس کرتے ہوئے کہا کہ ایسے واقعات تسلسل سے ہورہے ہیں جن میں منظم جرائم پیشہ گروہ ملوث ہیں۔ان کی نشاندہی میڈیا کے ذریعے بارہا کی جاچکی ہے کسی حادثے کے بعد حکومتی ادارے وقتی طور پر حرکت میں آتے ہیں اور چند روز بعد ہی معاملہ دبا دیا جاتا ہے۔