لاہور(نامہ نگار) پاکستان پیپلز پارٹی شعبہ خواتین پنجاب کی جنرل سیکرٹری و سابق ایم پی اے نرگس فیض ملک نے پارٹی کی شہید چیئرپرسن بے نظیر بھٹو کی سالگرہ کی مناسبت سے منعقد کی گئی تقریب سے خطاب کرتے ہوئے کہا ہے کہ بے نظیر بھٹو شہید صرف پاکستان ہی نہیں بلکہ عالم اسلام کی ایک بہادر ترین خاتون لیڈر تھیں جنہوں نے اپنی زندگی میں اپنے سیاسی مخالفین کی جانب سے بنائے گئے جھوٹے اور بے بنیاد مقدمات کا عدالتوں میں پیش ہو کر ڈٹ کر مقابلہ کیا۔