لاہور(سپورٹس رپورٹر)قومی فٹسال کپ فیز II کے کوارٹر فائنل اور سیمی فائنل مقابلے فٹسال ایرینا، کوئٹہ میں کھیلے گئے۔پہلے کوارٹر فائنل میں بلوچستان ایجوکیشن بورڈ نے ٹائیگر رئیسانی کو 6-3 سے شکست دی۔ دوسرا کوارٹر فائنل گریٹ ہزارہ اور ہزارہ کلب کے درمیان کھیلا گیا جس میں گریٹ ہزارہ نے 4-3 سے فتح حاصل کی۔ تیسرے کوارٹر فائنل میں بوئٹمز ایف سی نے جھالاوان کوئٹہ کو 4-1 سے شکست دی۔ آخری کوارٹر فائنل ہزارہ کوئٹہ نے گل ہزارہ کیخلاف 10-3 سے جیتا۔ پہلے سیمی فائنل میں گریٹ ہزارہ نے بلوچستان ایجوکیشن بورڈ کو 8-3 سے شکست دی جبکہ دوسرے سیمی فائنل میں ہزارہ کوئٹہ نے بوئٹمز ایف سی کو 10-3 سے زیر کیا۔ خواتین کے پہلے سیمی فائنل میں ہزارہ کلب نے بلوچستان ویمن اکیڈمی کو 2-1 سے جبکہ دوسرے سیمی فائنل میں ہزارہ کوئٹہ اکیڈمی نے ہزارہ یونائیٹڈ ایف سی کو 3-0 سے شکست دی۔