قصور+ کوٹ رادھاکشن + بھوئے آصل (نمائندگان نوائے وقت+ نامہ نگار)مختلف واقعات میں ملزموں نے فائرنگ کر کے 2 افراد کو قتل کر دیا۔ قصور کے نواحی علاقے لاکھو بریار میں محمد یاسرنے پولیس تھانہ میں مقدمہ درج کرایا کہ میں اپنے گھر میں سو رہا تھا اورمیرا والد 56/55سالہ محمد یٰسین ڈرائینگ روم کے سامنے سویا ہوا تھاکہ نامعلوم ملزمان نے 30بور پسٹل کے فائر کیے جو میرے والد کو لگے جس سے وہ موقع پر ہی جاں بحق ہوگیا۔ ملزمان سنگین نتائج کی دھمکیاں دیتے ہوئے فرار ہوگئے۔ پولیس تھانہ تھہ شیخم مصروف کارروائی ہے کالر ابرار نے تھانہ کو ٹ رادھاکشن میں اطلاع دی کہ فائرنگ سے ایک لڑکا زخمی ہوا ہے واقع کی اطلاع پر پولیس موقع پر پہنچی اور بتایا ہے کہ افضل آباد کا رہائشی 25 سالہ ذیشان موٹر سائیکل پر کوٹ رادھا کشن آرہا تھاکہ پرانی رنجش پر دوران لڑائی جھگڑا نامعلوم نے فائرنگ کر دی جس سے نوجوان موقع پر ہی دم توڑ گیا ہے۔پولیس نے مقدمات درج کر لیے۔