اسلام آباد (نمائندہ خصوصی) بی بی آصفہ بھٹو زرداری نے کہا ہے کہ شہید محترمہ بینظیر بھٹو نے تاریک ترین گھڑیوں میں پاکستان کی قیادت کی، ان کی میراث آج بھی ہمیں اندھیروں سے نکلنے میں رہنمائی کر سکتی ہے۔ "وہ آج بھی بینظیر ہے" کے موضوع پر اسلام آباد میں سیمینار میں خطاب کر رہی تھیں۔ شرکت کے لیے پہنچنے پر شہید بھٹو فاﺅنڈیشن کے چیف ایگزیکٹو آفیسر آصف محمود خان نے آصفہ بھٹو زرداری کو خوش آمدید کہا اور انہیں گلدستہ پیش کیا۔ آصفہ بھٹو زرداری نے کہا اپنی والدہ کی زندگی اور جدوجہد کو خراج عقیدت پیش کرنے کے لیے سیمینار میں شرکت ان کے لیے اعزاز ہے۔ آصفہ بھٹو زرداری نے شہید محترمہ بینظیر بھٹو کی 70 ویں سالگرہ کا کیک بھی کاٹا۔