گجرات: گلے میں ڈور پھرنے سے 17 سالہ نوجوان جاں بحق
گجرات (نوائے وقت رپورٹ) بہن کو کالج چھوڑ کر واپس آنے والا 17 سالہ نوجوان گلے پر ڈور پھرنے سے جاں بحق ہو گیا۔ پولیس کے مطابق گجرات میں دھکڑ پلازہ کے قریب رحمان شہید روڈ پر 17 سالہ معاذ جو موٹر سائیکل پر بہن کو کالج چھوڑنے کے بعد اپنے گھر واپس جا رہا تھا کہ اچانک گلے پر ڈور پھرنے سے شدید زخمی ہو گیا۔ ہسپتال جانے سے قبل ہی نوجوان جاں بحق ہو گیا۔ پولیس تھانہ سول لائن نے والد کی مدعیت میں نامعلوم افراد کے خلاف مقدمہ درج کر کے تفتیش شروع کر دی۔
