گوجرانوالہ (نمائندہ خصوصی )بینظیر بھٹو عالم اسلام کی عظیم لیڈر محب وطن اور بہادر خاتون تھیں، انہوں نے ملک جمہوریت کی مضبوطی اور عوام کے حقوق کیلئے جدوجہد کرتے ہوئے اپنی جان دیدی لیکن ملک دشمن قوتوں کے ساتھ سمجھوتہ نہ کیا ان خیالات کا اظہار پیپلز پارٹی پنجاب کے سابق صدر چوہدری امتیاز صفدر وڑا ئچ ، ضلعی جنرل سیکرٹری چوہدری ارشاد اللہ سندھو ، رہنما طارق محمود مغل نے دفتر ٹرسٹ پلازہ میں پیپلزپارٹی ضلع گوجرانوالہ کے زیراہتمام شہید جمہوریت بینظیر بھٹو کی 70ویں سالگرہ کی مرکزی تقریب سے خطاب کرتے ہوئے کیا، انہوں نے کہا کہ قائد عوام شہید ذوالفقار علی بھٹو کی شہادت کے بعد بینظیر بھٹو نے ڈکٹیٹر جنرل ضیا الحق کے طویل مارشل لا ظلم و بربریت اور جبر کا بڑی جرآت اور بہادری سے ڈٹ کر مقابلہ کیا آج ان کی 70ویں سالگرہ کے موقع پر ہم انھیں خراج عقیدت پیش کرتے ہوئے انکی عظمت کو سلام پیش کرتے ہیں ،آنےوالا وقت پیپلز پارٹی کا ہے عوام بہتر مستقبل اور ملک کی خوشحالی کے لیے پیپلزپارٹی کا ساتھ دیں ، بلاول بھٹو زرداری آئندہ ملک کے وزیراعظم ہونگے۔