لاہور(نامہ نگار)انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس میں محکمانہ ترقیوں کیلئے پروموشن بورڈ کے اجلاس باقاعدگی سے جاری ہیں۔جس کے تسلسل میں 94 سب انسپکٹرز کو انسپکٹر اور پی ایچ پی کے 93 ہیڈ کانسٹیبلز کو اسسٹنٹ سب انسپکٹر کے عہدوں پر ترقی کے احکامات جار ی ۔ ترقی پانے والے سب انسپکٹرز میں سے 12کا تعلق بہاولپور ریجن،5 ڈی جی خان، 14 فیصل آباد، 6 گوجرانوالہ، 3گجرات، 7 لاہور،1 ملتان، 12 راولپنڈی،1 ساہیوال، 24 سرگودھا، 8 شیخوپورہ جبکہ 1 کا تعلق پولیس بینڈ سٹاف سے ہے۔ سب انسپکٹر کی پروموشن بورڈ کااجلاس سنٹرل پولیس آفس لاہور میں ایڈیشنل آئی جی اسٹیبلشمنٹ پنجاب راجہ رفعت مختار کی زیر صدارت منعقد ہوا جس میں ڈی آئی جی اسٹیبلشمنٹ ون ڈاکٹر انعام وحید بھی موجود تھے۔ پنجاب ہائی وے پیٹرول میں ہیڈ کانسٹیبلز سے اسسٹنٹ سب انسپکٹر کے عہدوں پر ترقی کیلئے محکمانہ پروموشن بورڈ کا اجلاس ایڈیشنل آئی جی پی ایچ پی راو¿ عبد الکریم کی زیر صدارت منعقد ہوا جس میں ڈی آئی جی پی ایچ پی اطہر وحید اور ایس پی ہیڈ کوارٹرز منصور قمربھی موجود تھے۔ تمام افسران کو میرٹ اور سنیارٹی کی بنیاد پراگلے عہدوں پر ترقیاں دی گئی ہیں۔