لاہور(سپورٹس رپورٹر)سپورٹس بورڈ پنجاب کے زیر اہتمام دوروزہ ایس بی پی انٹر ڈویژنل آرچری چیمپئن شپ اختتام پذیر ہوگئی،ڈائریکٹر جنرل سپورٹس پنجاب ڈاکٹر آصف طفیل نے بھوربن سٹیڈیم مری میں کامیاب ٹیموں اور کھلاڑیوں میں انعامات تقسیم کئے۔ انڈر10گرلز میں فیصل آباد ڈویژن کی آیت نے پہلی، لاہور ڈویژن کی مشال نے دوسری اور راوالپنڈی ڈویژن کی ارسار نے تیسری پوزیشن حاصل کی۔انڈر 15گرلز میں لاہور ڈویژن کی ماہ نور پہلے، لاہور ہی کی مناحل دوسرے اور راولپنڈی ڈویژن کی انیقہ تیسرے نمبر پر رہیں۔ انڈر 16گرلز میں راولپنڈی ڈویژن کی الیزہ نے پہلی، راولپنڈی ہی کی عائشہ یاسین نے دوسری اور کراچی کی انیسہ نے تیسری پوزیشن حاصل کی،گرلز ٹیم ایونٹ 30میٹر کے مقابلے میں فیصل آبادنے پہلی، بہاولپور نے دوسری اور لاہور نے تیسری پوزیشن حاصل کی۔گرلز انفرادی 70میٹر مقابلے میں لاہور کی ربیعہ شاہد پہلے، لاہور ہی کی سائرہ دلشاد دوسرے اور جھنگ کی سعدیہ عابد تیسرے نمبر پر رہیں،انڈر 14بوائز میں فیصل آباد کے فرحان خان اول، لاہور کے علی سعید دوئم اور راولپنڈی کے محمد علی سوئم رہے،بوائز ٹیم ایونٹ 30میٹر کے مقابلے میں لاہور پہلے، ملتان دوسرے اور راولپنڈی تیسرے نمبر پر رہا۔بوائز انفرادی 70میٹر مقابلے میں جھنگ کے قاسم طاہر پہلے، لاہور کے علی رضا دوسرے اور لاہور ہی کے واصف تیسرے نمبر پر رہے۔