اسلام آباد(نمائندہ نوائے وقت)پاکستان ریلوے کا عید الاضحی کے موقع پر اندرون ملک سفر کرنے والے مسافروں کیلئے دس دس بوگیوں پر مشتمل عید سپیشل ٹرینیں چلانے جبکہ عید کے تین دن کرایوں میں 33 فیصد کمی کے نوٹیفیکیشن جاری کر دیئے ہیں ۔نو ٹیفیکیشن کے مطابق کوئٹہ،کراچی اور لاہور سے 3 سپیشل ٹرینیں چلیں گی جس میں پہلی عید اسپیشل ٹرین کوئٹہ سے پشاور کیلئے 26 جون کو روانہ ہوگی جب کہ کراچی سے لاہورکیلئے عید اسپیشل ٹرین 27 جون کو چلے گی۔ تیسری اسپیشل ٹرین عید کے بعد 3جولائی کو لاہورسے کراچی کیلئے چلائی جائے گی پاکستان ریلوے کا عید کے تین دن کرایوں میں33 فیصد کمی کا اعلان کےا گےاہے کرائیوں میں کمی کا اطلاق تمام ٹرینوں پرہوگا۔