اسلام آباد (نمائندہ خصوصی + نوائے وقت رپورٹ) مریم نواز شریف نجی دورہ پر دبئی پہنچ گئی ہیں۔ وفاقی وزیر اطلاعات ونشریات مریم اورنگزیب نے اپنے ایک ٹویٹ میں کہا ہے کہ مسلم لیگ (ن) کے پارٹی قائد محمد نواز شریف پہلے ہی دبئی پہنچ چکے ہیں۔ خاندان کے دیگر افراد بھی ان کے ساتھ ہےں۔ امکان ہے کہ نواز شریف دبئی میں 3 سے 4 روز قیام کریں گے۔ دبئی میں قیام کے بعد نواز شریف سعودی عرب روانہ ہوں گے۔ دبئی روانگی سے پہلے لاہور ائیر پورٹ پر مریم نواز کے ساتھ مسافر تصاویر بنواتے رہے اور سیلفیاں لیتے رہے۔ مریم نواز بغیر پروٹوکول کے لاہور ائیرپورٹ سے روانہ ہوئیں اور عام مسافروں والے لاو¿نج میں کرسیوں پر بیٹھیں، انہوں نے وی وی آئی پی پروٹوکول اور سٹیٹ لاو¿نج استعمال نہیں کیا، مریم کے ہمراہ ان کے بیٹے جنید صفدر بھی دبئی گئے ہیں۔