لاہور(سپورٹس رپورٹر)ایف آئی ایچ کے زہر اہتمام جونیئر مینز ہاکی ورلڈ کپ کے شیڈول کا اعلان ہوگیا۔ ایف آئی ایچ کے زیر اہتمام جونیئر مینز ہاکی ورلڈ کپ 2023 کوالالمپورملائشیا کے بکیت جلیل نیشنل ہاکی سٹیڈیم میں 5 سے 16 دسمبر تک جاری رہے گا۔ مزکورہ ایونٹ میں 16 ٹیمیں شرکت کریں گی۔ 16 ٹیموں کو 4 پول میں تقسیم کیا گیا ہے۔ پاکستان کو پول ڈی میں شامل کیا گیا ہے۔پول ڈی میں پاکستان کے علاوہ ہالینڈ‘بیلجیئم اور نیوزی لینڈ کی ٹیمیں شامل ہیں۔ہر پول سے دو ٹاپ ٹیمیں کوارٹر فائنل کیلئے کوالیفائی کریں گی۔پاکستان اپنا پہلا میچ 6 دسمبر کو ہالینڈ کیخلاف‘ دوسرا میچ 7 دسمبر کو نیوزی لینڈ کیخلاف جبکہ چوتھا اور پول کا آخری میچ 9 دسمبر کو بیلجیئم کیخلاف کھیلے گا۔