دبئی (نوائے وقت رپورٹ ) سابق صدر آصف علی زرداری دبئی چلے گئے۔ ذرائع کے مطابق آصف زرداری خصوصی طیارے کے ذریعے کراچی سے دبئی روانہ ہوئے۔سابق صدر آصف زرداری کے بعد وزیر خارجہ و پاکستان پیپلزپارٹی کے چیئرمین بلاول بھٹو زرداری بھی دبئی پہنچ گئے۔ذرائع کے مطابق بلاول بھٹو زرداری بھی خصوصی طیارے کے ذریعے اسلام آباد سے دبئی پہنچے۔ ذرائع نے بتایا سابق صدر دبئی میں چند روز قیام کرینگے اور دبئی میں ان کی نواز شریف سے ملاقات کا بھی امکان ہے۔ ذرائع کا کہنا ہے پاکستانی سیاست کا مرکز ابھی دبئی رہے گا جس کے لیے کئی سیاسی رہنماو¿ں کی دبئی آمد کا امکان ہے۔