کوہاٹ ، کنٹینر اْلٹنے سے گاڑی میں سوار 2بھائی کنٹینر کے نیچے دب کر جاں بحق
کوہاٹ(این این آئی) کوہاٹ اور کرک اضلاع کے سنگم پر قومی شاہراہ انڈس ہائی وے پرواقع رنگین آبادچوک کے قریب طویل القامت کنٹینر اْلٹ جانے سے گاڑی میں سوار دونوںبھائی کنٹینر کے نیچے دب کر جاں بحق ہوگئے۔ ریسکیو1122 کے مطابق گزشتہ شام کوہاٹ اور کر ک اضلاع کے سنگم پر انڈس ہائی وے پر واقع رنگین آباد چوک کے قریب ایک طویل القامت کنٹینر مبینہ طورپر بریک فیل ہوجانے کے باعث بے قابو ہوکراْلٹ گیا جس میں سوار دونوں ڈرائیور بھائی کنٹینر کے نیچے دب کر جاں بحق ہو گئے۔ واقعہ کی اطلاع ملتے ہی ریسکیو1122 کوہاٹ اور کرک کی میڈیکل ٹیمیں جائے حادثہ پر پہنچ گئیں جہاں بانڈہ داؤدشاہ میں مکوڑی آئل فیلڈ سے کرین طلب کرکے کنٹینر کے نیچے دبے دونوں افراد کی لاشیں نکال کر تحصیل ہیڈکوارٹرہسپتال بانڈہ داؤدشاہ منتقل کردی گئیں۔ ریسکیو1122ترجمان کے مطابق جاں بحق افراد کی شاخت خوشحال اور معمور پسران زین اللہ سکنہ بڈھ بیرپشاور کے ناموں سے ہوئی ہے۔
