لاہور (سپورٹس رپورٹر)پے درپے شکست کے بعد پاکستان مینز فٹبال ٹیم کی رینکنگ میں تنزلی ہوگئی۔پاکستان فٹبال ٹیم فیفا رینکنگ میں ٹاپ 200 سے پھر آئوٹ ہوگئی اور تازہ رینکنگ میں پاکستان ٹیم 6 درجہ تنزلی کے بعد 201ویں پوزیشن پر آگئی ہے۔پچھلی رینکنگ میں پاکستان فٹبال ٹیم 195 ویں پوزیشن پر تھی۔ مسلسل شکست کے بعد پاکستان کے ریٹنگ پوائنٹس میں 9.05 کی کمی ہوئی۔واضح رہے کہ پاکستان فٹبال ٹیم کو ماریشیس اور ساف کپ میں تمام میچز میں شکست ہوئی تھی۔