لاہور(سپورٹس ڈیسک) ایشین چیمپئنز سری لنکا نے ون ڈے ورلڈ کپ 2023 ءکیلئے کوالیفائی کرلیا۔آئی سی سی ورلڈ کپ کوالیفائر میں سری لنکا نے زمبابوے کو 9 وکٹوں سے شکست دے کر ورلڈ کپ کیلئے کوالیفائی کیا۔سری لنکا نے زمبابوے کی جانب سے دیا جانے والا 166 رنز کا ہدف ایک وکٹ کے نقصان پر حاصل کرلیا۔بھارت میں ہونے والے ورلڈ کپ میں نو ٹیموں کا فیصلہ ہوگیا ہے سکاٹ لینڈ کے خلاف کامیابی پر زمبابوے کی ٹیم بھی ورلڈ کپ کا ٹکٹ کٹوا لے گی۔واضح رہے کہ دو مرتبہ کا عالمی چیمپئن ویسٹ انڈیز پہلی بار کرکٹ ورلڈ کپ کےلئے کوالیفائی نہیں کرسکا۔بھارت میں رواں برس 5 اکتوبر سے 19 نومبر تک کھیلے جانے والے 13ویں ایک روزہ کرکٹ ورلڈ کپ سے ویسٹ انڈیز کی ٹیم آﺅٹ ہوگئی۔ویسٹ انڈیز کی ٹیم نے 1975 ءمیں پہلا اور 1979 ءمیں دوسرا کرکٹ ورلڈ کپ اپنے نام کیا تھا، اسے دنیائے کرکٹ میں کالی آندھی کے نام سے بھی پکارا جاتا رہا ہے۔