لاہور(سپورٹس ڈیسک )افغانستان نے بنگلہ دیش کے خلاف ٹی ٹونٹی سیریز کیلئے16رکنی سکواڈ کا اعلان کر دیا ۔ محمد شہزاد کی تقریباً دو سال بعد ٹیم میں واپسی ہوئی ہے۔وکٹ کیپر بیٹرنے اپنا آخری ٹی ٹونٹی میچ 2021 ءمیں نیوزی لینڈ کےخلاف کھیلا تھا، سٹار کرکٹر راشد خان کی قیادت میں افغان ٹیم میں واپسی ہوئی ہے۔راشد کے علاوہ محمد نبی، مجیب الرحمان اور نوین الحق بھی سکواڈ کا حصہ ہیں ۔ بنگلہ دیش کےخلاف واحد ٹیسٹ میں 546 رنز کی شکست کے بعد، مہمان عید کے وقفے کے بعد پہلے ہی پہنچ چکے ہیں اور چٹوگرام میں 5 جولائی سے شروع ہونے والی تین میچوں کی ون ڈے سیریز کیلئے تیاری کر رہے ہیں۔ باقی دو میچ 8 اور 11 جولائی کو اسی مقام پر ہوں گے۔اس کے بعد ایکشن سلہٹ منتقل ہو جائےگا جہاں دو میچوں کی ٹی ٹونٹی سیریز کا پہلا میچ 14 جولائی کو ہو گا جبکہ دوسرا میچ 16 جولائی کو سلہٹ انٹرنیشنل کرکٹ سٹیڈیم میں کھیلا جائےگا۔افغانستان کا ٹی ٹونٹی سکواڈ: راشد خان کپتان، رحمن اللہ گرباز، حضرت اللہ زازئی، محمد شہزاد، ابراہیم زدران، محمد نبی، نجیب اللہ زدران، صدیق اتل، کریم جنت، عظمت اللہ عمرزئی، فضل الحق فاروقی، نوین الحق، وفادار مومند، احمد ملک، نور احمد، مجیب الرحمان۔