لاہور(سپورٹس رپورٹر) ورلڈکپ 2011ءکے بعد پاکستان ٹیم نے اگلے سال2012ءمیں وائٹ بال سیریز بھارت میں کھیلی،پھر ٹی ٹونٹی ورلڈکپ 2016میں شرکت کیلئے آئی،اس کے بعد پڑوسی ملک کا کوئی دورہ ہی ممکن نہیں ہوسکا۔میگا ایونٹ کا آغاز 5 اکتوبر سے شروع ہوگا، پاکستان ورلڈکپ میں اپنے سفر کا آغاز 6 اکتوبر کو حیدر آباد میں کوالیفائر ون کےخلاف میچ سے کرےگا۔شیڈول کے مطابق 12 اکتوبر کو پاکستان کا سامنا کوالیفائر ٹو سے ہوگا جبکہ روایتی حریف پاکستان اور بھارت کے درمیان مقابلہ 15 اکتوبر کو احمد آباد کے نریندر مودی کرکٹ سٹیڈیم میں ہوگا۔پاکستان اور آسٹریلیا کے درمیان میچ 20 اکتوبر کو بنگلورو میں رکھا گیا ہے، 23 اکتوبر کو پاکستان اور افغانستان کی ٹیمیں چنائی میں آمنے سامنے ہوں گی۔ قومی ٹیم 27 اکتوبر کو جنوبی افریقہ جبکہ 31 اکتوبر کو بنگلہ دیش کے مدمقابل آئےگی۔گرین شرٹس کا 5 نومبر کو بنگلورو میں پاکستان اور نیوزی لینڈ کی ٹیموں کا جوڑ پڑےگا جبکہ 12 نومبر کو قومی ٹیم انگلینڈ کےخلاف کولکتہ میں میدان میں ا±ترے گی۔واضح رہے کہ ورلڈکپ کا پہلا سیمی فائنل ممبئی، دوسرا کولکتہ میں ہوگا، فائنل 19 نومبر کو احمد آباد نریندر مودی میں کھیلا جائے گا۔