واشنگٹن (نیٹ نیوز) امریکہ میں کوئٹہ سے تعلق رکھنے والے پاکستانی نژاد طالب علم شاہ زین آفریدی نے صدارتی ایجوکیشن ایوارڈ جیت لیا۔ شاہ زین آفریدی کو یو ایس پریزیڈنٹ ایجوکیشن ایوارڈ 2023 شاندار تعلیمی کیرئیر کے اعتراف میں نوازا گیا۔شاہ زین آفریدی نے نیو جرسی کے فلپ جی وروم سکول میں گریڈ 8 تک اپنی پہلی پوزیشن برقرار رکھی۔شاہ زین آفریدی کو شاندار تعلیمی کیرئیر پر ہائی ٹیک سکول نیوجرسی میںسکالرشپ کی بنیاد پر داخلہ بھی مل گیا ہے جہاں وہ بغیر کوئی فیس ادا کیے اپنا شاندار تعلیمی سفر جاری رکھیں گے۔شاہ زین کا تعلق کوئٹہ کی آفریدی فیملی سے ہے اور انہوں نے اپنی شاندار کامیابی کا کریڈٹ والدہ کو دیا ہے۔اس سے قبل ان کی بڑی بہن عیشل کو بھی شاندار تعلیمی کیرئیر پر امریکی صدارتی ایجوکیشن ایوارڈ سے نوازا جاچکاہے۔