فیروزوالہ( نامہ نگار) جی ٹی روڈ پر ٹریفک کے مختلف حادثات میں نوجوان حافظ قرآن سمیت 3 افراد ہلاک جبکہ 2 افراد زخمی ہوگئے جن کو طبی امداد کیلئے ہسپتال داخل کرا دیا بتایا گیا کہ جی ٹی روڈ کی آبادی شہزاد ٹاو¿ن کے قریب تیز رفتارسرکاری گاڑی کی زد میں آکر حافظ قران محمد فرمان 16سالہ زخمی ہوگیا۔ وہ نماز پڑھنے کیلئے مسجد کی طرف جا رہا تھا کہ راستے میں پہنچا تو تیز رفتار سرکاری گاڑی نے اسے ٹکر مار دی جس سے وہ شدید زخمی ہو گیا اسے طبی امدادکیلئے ہسپتال لایا گیا یہاں پر وہ دم توڑ گیا۔ حادثہ کے بعد ڈرائیور گاڑی سمیت فرار ہو گیا۔ صدر مرید کے پولیس نے واقعے کی رپورٹ درج کر لی۔ جی ٹی روڈ کالا شاہ کاکو کے قریب تیز رفتار رکشہ سریا سے بھرا ہوا الٹ گیا جس کے نتیجہ میں سریا کے نیچے آ کرنوجوان سجاداحمد ہلاک جبکہ اس کا ساتھی زخمی ہوگیا۔ جی ٹی روڈ پر چک نمبر 44 کے قریب تیز رفتار گاڑی کی زد میں آکر نامعلوم نوجوان ہلاک ہو گیا۔ فیروز والا پولیس نے متوفی کی نعش قبضہ میں لے کر ضروری کارروائی کیلئے ہسپتال بھجوادی۔ فیروز والا پولیس نے مقدمہ درج کرلیا ۔لاہور روڈ پر تیز رفتار گاڑی کی ٹکر لگنے سے موٹر سائیکل سوار 2 نوجوان زخمی ہوگئے۔