لاہور(نامہ نگار) پنجاب پولیس کے ریٹائرڈ افسران کو پولیس ٹریننگ انسٹیٹیوٹس میں بھرتی کرنے کا فیصلہ کیا گیا ہے۔ ذرائع کے مطابق زیر تربیت ملازمین و افسران کو کورسز کے حوالے سے لیکچرز اور اپنے تجربات سے مستفید کرنے کیلئے ریٹائرڈ پولیس افسران کی خدمات حاصل کی جائیں گی۔ آئی جی پنجاب نے ریٹائرڈ افسران کی عارضی بھرتیوں کی منظوری دےدی ہے۔ ریٹائرڈ افسران کو مختلف ٹریننگ کورسز کے دوران لیکچرز کیلئے کنٹریکٹ پر بھرتی کیا جائےگا اورفی لیکچر 10 سے 12ہزار روپے ادا کئے جائیں گے۔