لاہور(نامہ نگار)کیپٹل سٹی پولیس آفیسر لاہور بلال صدیق کمیانہ کی ہدایت پر لاہور پولیس کی جانب سے شہریوں کی جان و مال کے تحفظ اور قیام امن کےلئے گزشتہ ماہِ جون میں 373 سرچ آپریشنز جبکہ 32انٹیلی جنس بیسڈ آپریشنز کئے گئے ہیں۔ترجمان لاہور پولیس نے بتایا ہے کہ مختلف علاقوں میں سرچ آپریشنزکے دوران45902 اشخاص کو چیک کیا گیا۔پولیس نے 52 اشخاص کو گرفتار کیا جبکہ 49 افرادکے خلاف مقدمات درج کئے گئے۔ انٹیلی جنس بیسڈآپریشنزمیں مختلف علاقوں میں 6820 اشخاص کو چیک کیا گیا۔