تاریخی پیشرفت: ترکیہ مصر کے 10 برس بعد سفارتی تعلقات بحال
استنبول (انٹرنیشنل ڈیسک) ترکیہ اور مصر کے درمیان 10 سال بعد سفارتی تعلقات بحال ہوگئے۔ خبر ایجنسی کے مطابق رواں سال دونوں ممالک کے درمیان وزراتی سطح پر بات چیت شروع ہوئی اور دوستانہ پیغامات کا تبادلہ ہوا جس کے بعد سفارتی تعلقات کی بحالی کا فیصلہ کیا گیا۔ ترکیہ اور مصر نے اپنے اپنے سفیر تعینات کردیئے ہیں۔ خیال رہے کہ ترکیہ نے 2013 میں مصر کے منتخب صدر محمد مرسی کی معزولی اور فوج کی جانب سے اقتدار سنبھالنے کی مذمت کی تھی۔ اس کے بعد سے ہی دونوں ممالک کے تعلقات میں سرد مہری آگئی تھی۔ مصر نے ملک میں عدم استحکام پیدا کرنے والی تنظیموں کی حمایت پر ترک سفیر کو بے دخل کردیا تھا جس کے جواب میں ترکیہ نے بھی مصری سفیر کو ناپسندیدہ شخصیت قرار دیتے ہوئے ملک سے نکال دیا تھا۔
تعلقات بحال
