واشنگٹن(این این آئی)امریکہ کے شمال مشرقی علاقے میں خوفناک صورتحال اس وقت پیش آگئی جب ایک ایس یو وی گاڑی ایک پرہجوم ریسٹورنٹ میں جا گھسی اور وہاں موجود 13 افراد کو زخمی کردیا۔ میڈیا رپورٹس کے مطابق نیو ہیمپشائر کے علاقے لاکونیا میں لونی بن بار اینڈ گرل ریستورنٹ میں ہونے والے کار حادثے میں ایک درجن سے زائد افراد زخمی ہوئے جن میں سے تین کی حالت تشویشناک ہے۔ پولیس کے مطابق ریسٹورنٹ کے سامنے تین کاروں کے تصادم کے نتیجے میں ایک کار ریسٹورنٹ کی طرف مڑ گئی۔ پولیس چیف میٹ کین فیلڈ نے بتایا کہ حادثے کی وجہ تیز رفتاری یا الکحل کا استعمال نہیں تھا۔
امریکہ کار حادثہ