لاہور (نامہ نگار) شہر میں 20 سے زائد وارداتیں‘ شہری لٹ گئے۔ تفصیلات کے مطابق فیکٹری ایریا میں ناصر کے گھر سے 28 لاکھ‘ طلائی زیورات اور الیکٹرانکس سامان، شمالی چھاؤنی میں غفار کے گھر سے 19 لاکھ 31 ہزار‘ طلائی زیورات اور دیگر قیمتی اشیائ، ہربنس پورہ میں چور صفت اللہ کی دکان سے 37 لاکھ چوری‘ ڈاکوؤں نے کاہنہ میں یاسر اعجاز کے گھر سے 11 لاکھ‘ طلائی زیورات اور دیگر قیمتی اشیائ، بادامی باغ میں عاطف علی  سے 66 ہزار روپے، نشتر کالونی میں عمر معاذ کی بیکری سے 13 ہزار، داتا دربار میں علی رضا، لٹن روڈ میں ذیشان مسعود  جبکہ رائیونڈ سٹی میں جلال سے موٹرسائیکلیں اور ہزاروں نقدی چھین لی۔ ڈیفنس، گرین ٹاون، باغبانپورہ، برکی، ریس کورس سے کاریں جبکہ رنگ محل، شاہدرہ، نصیر آباد، غالب مارکیٹ، فیکٹری ایریا، پرانی انارکلی، سمن اباد، لاری اڈہ، مصطفی آباد، مصری شاہ اور بادامی باغ سے موٹرسائیکلیں چوری ہو گئیں۔