لاہور (سٹاف رپورٹر) مسلم لیگی رہنما اور پی پی 164 سے ایم پی اے امیدوار چوہدری شہزاد نذیر سندھو نے کہا کہ ماضی کی کارگردگی کو دیکھتے ہوئے عوام اس بار بھی مسلم لیگ ن کو ہی کامیاب کروائے گی۔ ملک افضل کھوکھر کی سربراہی میں مسلم لیگ ن نے رائیونڈ میں ریکارڈ ترقیاتی کام کروائے ہیں۔ میاں نواز شریف جلد وطن واپس لوٹیں گے اور ملک کی بھاگ دوڑ سنبھالیں گے اب حقیقی تبدیلی کی ہوا چل چکی ہے تحریک انصاف کے غبارے سے ہوا نکل چکی ہے۔ تحریک انصاف ماضی کا قصہ بن چکی ہے۔