گوجرانوالہ (نمائندہ خصوصی) نامعلوم نوجوان ٹرین کی زد میں آکر جاں بحق ہو گیا۔ تفصیلات کے مطابق شیرانوالہ باغ پھاٹک کے قریب نامعلوم نوجوان ریلوے لائن عبور کرنے لگا تو اس دوران اسے تیز رفتار ٹرین نے ٹکر مار دی جس کے نتیجے میں شدید زخمی ہونیوالا نوجوان موقع پر ہی زخموں کی تاب نہ لاتے ہوئے جان کی بازی ہار گیا۔ ریسکیو اہلکاروں نے متوفی کی نعش کو ضروری کارروائی کیلئے ڈسٹرکٹ ہسپتال منتقل کر دیا۔ تاحال نوجوان کی شناخت نہیں ہو سکی۔