لاہور (نامہ نگار) کماہاں کے علاقہ میں ایک گھر کی خستہ حال چھت گرنے سے ملبے تلے دب کر 70 سالہ خاتون جاں بحق جبکہ پانچ افراد زخمی ہوگئے ہیں۔ ریسکیو ٹیموں نے تمام زخمیوں کو ملبے تلے سے نکال کر طبی امداد کے لیے ہسپتال منتقل کر دیا ہے۔ تفصیلات کے مطابق کماہاں کے علاقہ میں ایک گھر کی چھت گرنے سے چھ افراد ملبے تلے دب گئے۔ اطلاع ملنے پر ریسکیو ٹیمیں موقع پر پہنچ گئیں۔ امدادی ٹیموں نے ملبے تلے سے 70 سالہ حمیدہ بی بی کی کی لاش نکال لی ہے جبکہ 2 خواتین سمیت پانچ افراد زخمیوں کو ملبے تلے سے نکال کر طبی امداد کے لیے ہسپتال منتقل کر دیا گیا ہے۔ جہاں ایک خاتون کی حالت نازک بیان کی جا رہی ہے۔
چھت