پنجاب بھر سے 311 ٹریفک انسپکٹر، ڈی ایس پی کے عہدے پر ترقی کیلئے ایڈوانس کورس پر جائینگے
لاہور(نامہ نگار) ٹریفک انسپکٹرز کی بھی سنی گئی ہے اور صوبہ بھر سے 311 ٹریفک انسپکٹرزکو ڈی ایس پی کے عہدے پر ترقی کیلئے ایڈوانس کورس پر بھیجا جائے گا۔ان ٹریفک انسپکٹرز میں 2006 میں بھرتی ہونے والے ٹریفک افسران بھی شامل ہیں۔لاہور سے 119 ٹریفک انسپکٹرز کے نام پروموشن کورس میں شامل کئے گئے ہیں۔ٹریفک انسپکٹر کا ایڈوانس کورس فاروق آباد ٹریننگ سینٹر میں ہوگا۔ ایڈوانس کورس کےلئے ٹریفک انسپکٹر بابر گلبہار، رانا احسن حبیب، فہمیدہ ذیشان، اشفاق احمد، جمیل اکبر، اخلاق احمد، مدثر صدیق، مبشر، احمد اعوان، نسیمہ اسلم، فرخ رئیس سمیت دیگر نام شامل ہیں۔
