سویڈن میں قرآن کی بے حرمتی کھلی دہشت گردی ہے :مجاہد شاہ
شیخوپورہ(نامہ نگارخصوصی)سویڈن میں قرآن پاک کی بے حرمتی کیخلاف فلیکس پرنٹنگ ایسوسی ایشن کے زیر اہتمام ریلوے روڈ سے ”تحفظ قرآن ہمار ا ایمان “ ریلی نکالی گئی جو لاہور سرگودھا روڈ سے ہوتی ہوئی پریس کلب پہنچ کر اختتام پذیر ہوئی ریلی کی قیادت سرپرست اعلیٰ میاں نوید احمد، نوید منج، مجاہد شاہ ، مدثرالرحمن گوشی نے کی اس موقع پر سویڈن کا پرچم اور مصنوعات کو بھی نذر آتش کیا گیا اور سویڈن حکومت کیخلاف شدید نعرے بازی کی گئی اس موقع پر گفتگو کرتے صدر مجاہد شاہ اور جنرل سیکرٹری مدثر الرحمن گوشی نے کہاکہ سوئیڈن میں قرآن کی بے حرمتی کھلی دہشت گردی ہے ۔ قرآن کی بے حرمتی کے واقعے سے یورپ کا اصلی چہرہ دنیا کے سامنے آ گیا ہے ۔
