اسلام آباد : بیٹے کو بچانے کیلئے باپ نے بھی گٹر میں چھلانگ لگادی ، دونوں جاں بحق
اسلام آباد(نوائے وقت رپورٹ) وفاقی دارالحکومت میں گٹر میں گرنے سے باپ بیٹا جاں بحق ہوگئے۔اسلام آباد کے سیکٹر آئی ٹین فور میں ایک بچہ گٹر میں گرگیا جس کو نکالنے کے لئے والد نے بھی گٹر میں چھلانگ لگادی۔ پولیس ذرائع کے مطابق گٹر میں گرنے کے باعث پچاس سالہ عبدالرحمٰن اور 14سالہ بیٹا ارشد زندگی کی بازی ہار گئے، ریسکیو ٹیم نے باپ بیٹے کی نعشیں باہر نکال لی ہیں۔ ذرائع کے مطابق باپ بیٹے کی لاشوں کو ضابطے کی کارروائی کے لیے ہسپتال منتقل کردیا گیا ہے جس کی بعد دونوں میتیں انکے لواحقین کے سپرد کردی جائیں گی۔
باپ بیٹا جاں بحق
