گوجرانوالہ (نمائندہ خصوصی )عالمی یوم آبادی کے سلسلہ میں ڈسٹرکٹ پاپولیشن ویلفیئرڈیپارٹمنٹ کے زیر اہتمام آگاہی واک کا اہتمام کیاگیاجس کی قیادت ڈپٹی کمشنر فیاض احمد مو ہل نے کی۔ شرکاءنے عالمی یوم آبادی کی مناسبت سے بینرز‘ پلے کارڈز اٹھا رکھے تھے۔ واک ڈپٹی کمشنر دفتر سے شروع ہو کر ڈی ایچ او کے دفترپر اختتام پذیر ہوئی۔ واک میں ڈاکٹر مجتبی عرفات بھروانہ ایڈیشنل ڈپٹی کمشنر (ریونیو)‘ شبیر حسین بٹ ایڈیشنل ڈپٹی کمشنر (جنرل)‘ عدنان اشرف ڈسٹرکٹ پاپولیشن ویلفیئر آفیسر‘ سی ای او(ڈی ایچ اے) ڈاکٹر صوفیہ بلال‘ ڈسٹرکٹ کوآرڈی نیٹر ڈاکٹر عمر شریف راٹھور‘ ڈاکٹر عمارہ ناصر ٹی سی آئی (گرین سٹار)‘ چیئرمین امن کمیٹی محمد یوسف کھوکھر‘ محمد اکبر نقشبندی اور پیر محمد اشرف شاکر کے علاوہ علمائے کرام کی کثیر تعداد‘ سول سوسائٹی‘ مختلف ادارہ جات کے سربراہان‘ نمائندگان جن میں ایجو کیشن‘ کالجز‘ تعلقات عامہ،سول ڈیفنس‘ 1122 ریسکیو سمیت تمام شعبہ ہائے زندگی سے تعلق رکھنے والے افراد نے شر کت کی ۔