گوجرانوالہ (نمائندہ خصوصی) ایف آئی اے کی ٹیم نے تارکین وطن پر بہیمانہ تشدد کی ویڈیو سوشل میڈیا پر اپ لوڈ اور اہلخانہ کو بھجوا کر بھتہ وصول کرنے والے گینگ کے انسانی سمگلر کو گرفتار کر لیا۔ تفصیلات کے مطابق ایف آئی اے کی ٹیم نے نوشہرہ ورکاں میں کارروائی کے دوران نوجوانوں کو سنہرے خواب دکھا کر غیر قانونی طریقے سے بیرون ممالک بھجوانے والے رضوان انسانی سمگلر کو گرفتار کر لیا ہے۔ ملزم کے ساتھی بیرون ملک پہنچنے والے نوجوانوں کو تشدد کا نشانہ بناتے اور تشدد کی ویڈیو سوشل میڈیا پر اپ لوڈ کرنے کے علاوہ تارکین وطن کی فیملیز کو بھجوا کر ان سے بھتہ وصول کرتے تھے ، ایف آئی اے نے تفتیش کا دائرہ وسیع کر دیا ہے۔