ڈاکو رحیم یار خان سے 4 مزدور اغوا کر کے کچے میں لے گئے
رحیم یار خان (این این آئی) رحیم یار خان میں ڈاکوؤں نے 4 مزدوروں کو اغوا کر لیا۔ پولیس کے مطابق ڈاکوؤں نے بھونگ کے علاقے نیو فارم میں باغ میں سوئے ہوئے 4 مزدوروں کو اغوا کر لیا۔ پولیس کے مطابق 12 سے زائد ڈاکو مغویوں کو کچے میں لے گئے جس کے بعد مغویوں کی بازیابی کے لیے پولیس کی بھاری نفری بھیج دی گئی۔ پولیس کے مطابق ایک ماہ قبل صادق آباد سے اغوا کیے گئے ٹیکسی ڈرائیور کو بھی بازیاب نہیں کرایا جا سکا۔
