گوجرانوالہ (نمائندہ خصوصی) مہندی کی تقریب میں ہوائی فائرنگ سے چھت پر کھڑی لڑکی گولی لگنے سے جاں بحق ہوگئی۔ تفصیلات کے مطابق تھانہ سبزی منڈی کے علاقہ میں مہندی کی تقریب میں دولہا کا دوست ہوائی فائرنگ کر رہا تھا کہ اس دوران تقریب دیکھنے کیلئے چھت پر کھڑی گلشن بی بی گولی لگنے سے جاں بحق ہو گئی جبکہ ملزم موقع سے فرار ہو گیا۔  مقتولہ کے بھائی نے الزام لگایا ہے کہ ملزم حسنین نے فائرنگ سے روکنے پر سیدھا فائر کر دیا جس سے گولی گلشن بی بی کے سر میں لگنے سے وہ موقع پر جاں بحق ہو گئی۔ پولیس نے تحقیقات کا  آغاز کر دیا ہے۔