لاہور(نامہ نگار)ایس ایس پی، سی آئی اے لاہور کیپٹن (ر) لیاقت علی ملک نے ایس پی سی آر او آفتاب پھلروان، ایس پی آپریشنز سول لائن حسن جاوید بھٹی کے ہمراہ پریس کانفرنس کرتے ہوئے بتایا کہ سی آئی اے کینٹ پولیس نے معروف بزنس مین کے ا غوا برائے تاوان کی واردات میں ملوث گینگ کے سرغنہ عبدالرحمان، طاہر ندیم،اور محمد فیاض کو گرفتار کرلیا ہے۔تھانہ سول لائن کی حدود سے اغواءہونےوالے ڈیفنس کے رہائشی معروف بزنس مین بلال حشمت کو بازیاب کرواکر تاوان میں دی جانے والی دو کروڑ روپے رقم ، ناجائز اسلحہ اور موبائل فونز برآمد کر لیے ہیں۔