آئی ایف آئی،آئی ایس ایس آئی کے سینٹر فار افغانستان، مڈل ایسٹ اینڈ افریقہ کے درمیان معاہدہ
اسلا م آبا د (خصوصی نامہ نگار) انسٹی ٹیوٹ آف سٹریٹیجک سٹڈیز اسلام آباد میں سینٹر فار افغانستان، مڈل ایسٹ اینڈ افریقہ کی نمائندگی اس کی ڈائریکٹر آمنہ خان اور امریکن یونیورسٹی میں عصام فیرس انسٹی ٹیوٹ فار پبلک پالیسی اینڈ انٹرنیشنل افیئرز (آئی ایف آئی) نے کی۔ بیروت کی نمائندگی اس کے کنٹری ڈائریکٹر ڈاکٹر جوزف باہوت نے کی، آج ایک مفاہمت نامے پر دستخط ہوئے۔ اس موقع پر اپنے ریمارکس میں ڈی جی آئی ایس ایس آئی ایمبیسڈر سہیل محمود نے پاکستان اور لبنان کے درمیان مضبوط برادرانہ تعلقات اور مختلف شعبوں میں دوطرفہ تعلقات کو مزید گہرا کرنے کی دونوں جانب کی خواہش پر روشنی ڈالی۔ انہوں نے علمی اور تھنک ٹینک کے روابط کو استوار کرنے کی کوششوں کے ایک حصے کے طور پر مفاہمت نامے پر دستخط کا خیرمقدم کیا اور امید ظاہر کی کہ یہ ادارہ جاتی تعلقات باہمی فائدے کے لیے تحقیق اور مکالمے سمیت مشترکہ تعاون کی سرگرمیوں کو فروغ دے گا۔ ڈی جی آئی ایس ایس آئی نے مزید کہا کہ غیر یقینی عالمی ماحول، روایتی اور غیر روایتی سلامتی کے خطرات کی نشاندہی، اور مشترکہ تشویش کے مسائل نے بین الاقوامی تعاون اور آئی ایس ایس آئی اور آئی ایف آئی کے درمیان شروع کی جانے والی مشترکہ کوششوں کی ضرورت ہے۔اس موقع پر اظہار خیال کرتے ہوئے لبنان میں پاکستان کے سفیر سلمان اطہر نے روشنی ڈالی کہ پاکستان اور لبنان کے تھنک ٹینکس کے درمیان یہ پہلا ایم او یو ہے۔ انہوں نے مزید کہا کہ قریبی باہمی تعاون سے دونوں فریق بہت زیادہ فائدہ اٹھا سکتے ہیں اور بہت کچھ حاصل کر سکتے ہیں۔ آئی ایف آئی کے کنٹری ڈائریکٹر ڈاکٹر جوزف باہوت نے اپنے ریمارکس میں ایم او یو پر دستخط کو سراہا اور کہا کہ پیچیدہ عالمی مسائل میں وسیع تر تعاون کی ضرورت ہے اور یہ تعاون درست سمت میں ایک قدم ہے۔ انہوں نے دونوں اداروں کے درمیان قریبی مشاورت اور مشترکہ سرگرمیوں کے کیلنڈر پر کام کرنے کی اہمیت پر زور دیا۔ اس موقع پر سینٹر فار افغانستان، مڈل ایسٹ اینڈ افریقہ کی ڈائریکٹر آمنہ خان نے بھی خطاب کیا، انہوں نے کہا کہ لبنانی اور پاکستانی تھنک ٹینک کے درمیان پہلا مفاہمت کی یادداشت اس بات کا ثبوت ہے کہ پاکستان لبنان کے ساتھ اپنے تعلقات کو اہمیت دیتا ہے، جس سے دونوں ممالک کے درمیان مستقبل میں تعاون کو مضبوط بنانے میں مدد ملے گی۔
