لاہور(سپورٹس رپورٹر ) پاکستان کرکٹ بورڈ کی مینجمنٹ کمیٹی کے چئیرمین ذکاء اشرف کی سعودی عرب کرکٹ فیڈریشن کے چیف ایگزیکٹو طارق ساگا سے ملاقات ، پاکستان سعودی عرب کرکٹ کی بہتری اور مہارت کو فروغ دینے میں مدد کرے گی۔ آئی سی سی اجلاس کی سائیڈ لائنز پر ہونیوالی ملاقات میں کرکٹ کے امور سمیت سعودی عرب میں کرکٹ کی ترقی پر تبادلہ خیال کیا گیا۔ ملاقات میں سعودی کرکٹ کی مہارت میں بہتری لانے اور سعودی کرکٹرز کی تربیت کے تعاون پر تبادلہ خیال کیا گیا۔ملاقات میں ذکاء اشرف نے کہا کہ پاکستان سعودی عرب کرکٹ کی بہتری اور مہارت کو فروغ دینے میں مدد کریگا۔ پاکستان اور سعودی عرب کے درمیان طویل برادرانہ تعلقات ہیں۔ سعودی عرب کرکٹ کی بہتری کیلئے ہر تعاون دینے کیلئے تیار ہیں۔