لاہور(سپورٹس رپورٹر)ریجنل انٹر ڈسٹرکٹ سینئر کرکٹ ٹورنامنٹ 24۔2023ء آج سے شروع ہوگا جس میں101 ڈسٹرکٹس اور زونز کی 104 ٹیمیں حصہ لے رہی ہیں۔ عمدہ کارکردگی کرکٹرز ڈومیسٹک ایونٹس میں ریجنز کی نمائندگی کرسکیں جو اس سال ستمبر میں ہونگے۔ریجنل انٹرڈسٹرکٹ سینئر ٹورنامنٹ میں مجموعی طور پر259 میچز کھیلے جائیں گے۔ ایبٹ آباد، آزاد جموں و کشمیر، بہاولپور، ڈیرہ مراد جمالی، فاٹا، حیدرآباد، کراچی، لاڑکانہ، کوئٹہ اور سیالکوٹ ریجنز میں 16 جولائی سے میچز شروع ہوں گے،۔ہر میچ تین روزہ ہوگا جس کی پہلی اننگز 75 اوورز پر مشتمل ہوگی۔پہلی اننگز میں برتری کیساتھ جیتنے والی ٹیم کو نو پوائنٹس، پہلی اننگز کی برتری کے بغیر جیتنے والی ٹیم کو چھ پوائنٹس اور ڈرا میچ میں پہلی اننگز میں برتری حاصل کرنے والی ٹیم کو تین پوائنٹس دیے جائیں گے۔