لاہور(سپورٹس رپورٹر)ایشین اتھلیٹکس چیمپئن شپ میں پاکستان کے محمد یاسر نے برانز میڈل جیت لیا۔بنکاک میں جاری ایشین اتھلیٹکس چیمپئن شپ میں محمد یاسر نے جویلین تھرو میں برانز میڈل جیت کر ملک کا نام روشن کیا ہے ، محمد یاسر نے 79.93 کی تھرو کیساتھ برانزمیڈل اپنے نام کیا۔ذرائع کے مطابق یہ محمد یاسر کے کیرئیر کی سب سے بہترین تھرو ہے۔ جاپانی اتھلیٹ روڈرک نے 83.15 کی تھرو کیساتھ گولڈ میڈل جیتا جبکہ بھارت کے منو دیواراکیشوی نے 81.01 کی تھرو کیساتھ سلور میڈل جیتا ہے۔واضح رہے کہ اس سے قبل ایشین اتھلیٹکس میں پاکستان کے شجر عباس 200 میٹرز ریس کے فائنل تک رسائی سے محروم رہ گئے تھے۔شجر عباس نے 200 میٹرز سیمی فائنل دوڑ 21.04 سیکنڈز میں مکمل کی، شجر عباس 0.05 سیکنڈز کے فرق سے فائنل میں نہ آسکے۔