لاہور(نامہ نگار)پیپلز پارٹی کے چیئرمین،وزیر خارجہ بلاول بھٹو زرداری گزشتہ روز لاہور پہنچے جبکہ وہ کینال روڈ پر جام ٹریفک میں پھنس گئے۔بلاول بھٹو زرداری نے مقامی ہوٹل میں بابائے سوشلزم شیخ رشید کے پڑپوتے کی دعوت ولیمہ میں شرکت کی۔شادی تقریب میں پیپلز پارٹی کے سینیئر رہنما قمر زمان کائرہ،چودھری اسلم گل،رانا فاروق سعید، عزیر الرحمان چن، فیصل میر،ذوالفقار علی بدر، میاں مصباح،منور انجم،حاجی عزیز الرحمن چن کے علاوہ ہمایوں اختر خان سمیت زندگی کے مختلف شعبوں سے تعلق رکھنے والی شخصیات کی کثیر تعداد موجود تھی۔ولیمہ تقریب میں آمد کے موقع پر وزیر اعظم کے مشیر برائے گلگت و بلتستان قمر زمان کائرہ نے چیئرمین بلاول بھٹو زرداری کا استقبال کیا۔دریں اثنا ولیمہ تقریب میں شرکت کے بعد وزیر خارجہ بلاول بھٹو زرداری وہاں سے بلاول ہاو¿س بحریہ ٹاو¿ن روانہ ہوگئے اور کینال روڈ پر جام ٹریفک میں پھنس گئے۔ بعدازاں ٹریفک کلئیر ہونے پر وہ بلاول ہاو¿س پہنچے۔بلاول بھٹو نے رات بلاول ہاو¿س لاہور میں قیام کیا اور آج منگل صبح وہ اسلام آباد روانہ ہو جائیں گے۔
بلاول بھٹو