فیروز والہ (نامہ نگار) کالا خطالی روڈ کی بادی لبان والا زمین کے تنازعہ پر اعوان گروپ نے اندھا دھند فائرنگ کر کے عنایت علی اور اس کے بیٹے جاوید کو قتل جبکہ پانچ افراد کو زخمی کر دیا۔ راجپوت گروپ اور اعوان گروپ  کے درمیان ڈیڑھ ایکڑ راضی کا تنازعہ چل رہا تھا، اعوان گروپ کے مسلح افراد نے  اراضی پر قبضہ کرنے کی کوشش کی جس پر عنایت اس کے اہل خانہ نے منع کیا تو ملزمان نے فائرنگ کر دی  جس کے نتیجہ میں  عنایت علی اس کا بیٹا جاوید احمد قتل جبکہ عنایت کی بیوی زبیدہ بی بی اور بیٹی شفقت بی بی سمیت پانچ افراد زخمی ہو گئے، جن کو طبی امداد کے لیے ہسپتال داخل کرا دیا گیا  فیروزوالا پولیس نے نعشیں قبضہ میں لے کر پوسٹ مارٹم کے لئے ہسپتال بھجوا دیں۔ پولیس مصروف کارروائی ہے۔