لاہور (نوائے وقت رپورٹ) محسن نقوی کی ہدایت پر مزار بی بی پاکدامن کو زائرین کیلئے کھول دیا گیا ہے۔ وزیراعلیٰ محسن نقوی نے مزار بی بی پاکدامن کا دورہ کیا اور تزئین و آرائش و توسیعی پراجیکٹ کا معائنہ کیا۔ وزیر اعلی محسن نقوی نے مزدوروں، سیکرٹری تعمیرات و مواصلات، آرکیٹیکٹ نیر علی دادا اور ان کی ٹیم سے مصافحہ کیا اور تعمیراتی کام پر شاباش دی۔ وزیراعلیٰ محسن نقوی نے مزار کی تزئین و آرائش اور توسیع کے پراجیکٹ کے اعلیٰ معیار کو سراہا۔ محسن نقوی نے مزار پر وطن عزیز کی سلامتی، استحکام ترقی اور عوام کی خوشحالی کیلئے دعا کی۔