برسلز(این این آئی)یورپی یونین نے یوکرین کے خلاف روس کی جارحانہ جنگ اور شامی نظام کی فوجی معاونت پر ایران کے خلاف نئی پابندیاں عاید کرنے کا اعلان کیا ہے۔غیرملکی خبررساں ادارے کے مطابق یورپی یونین نے ایک بیان میں کہا کہ اس نے ایران کے خلاف پابندیوں کے اقدامات کے لیے ایک نیا فریم ورک قائم کیا ہے۔اس نئے فریم ورک کے تحت یورپی یونین کے رکن ممالک سے ایران کو بغیر پائلٹ فضائی گاڑیوں (یو اے وی)کی تیاری اور پیداوار میں استعمال ہونے والے اجزا کی برآمد پر پابندی عاید کردی گئی ہے۔بیان میں مزید کہا گیا کہ یورپی کونسل نے یوکرین کے خلاف روس کی جارحیت کی جنگ میں ڈرونز اور شامی حکومت کی فضائی دفاعی نظام کے ذریعے مدد پر چھ ایرانی افراد کو پہلے سے موجود پابندیوں کی دو فہرستوں میں شامل کرنے کا بھی فیصلہ کیا ہے۔