فیروز والہ؍ شیخوپورہ؍ میانوالی (نامہ نگار+ نمائندہ خصوصی) خاتون اور نوجوان نے خود کشی کرلی۔ تفصیلات کے مطابق گھریلو حالات سے دلبرداشتہ خاتون نے نہر میں چھلانگ لگا کر اپنی زندگی کا خاتمہ کر لیا۔ بتایا جاتا ہے کہ ہلاک ہونے والی خاتون اقراء بی بی کی کچھ عرصہ قبل شادی ہوئی تھی۔ پولیس نے واقعہ کی رپورٹ درج کر لی۔ میانوالی میں مشتاق خان ولد ممتاز خان ساکن مجاہد ٹاؤن میانوالی نے مبینہ بیماری  سے تنگ آکر اپنے آپ کو گولی مار کر خود کشی کر لی۔ بتایا گیا ہے کہ مشتاق خان کچھ دنوں سے بیمار چلا آ رہا تھا۔