بوگوٹا(اے پی پی)کولمبیا  میں ایک مسافر بس کھائی میں گرنے سے 9افراد ہلاک اور 30زخمی ہوگئے ہیں۔چینی خبررساں ادارے کے مطابق  کولمبیا میں نیشنل روڈ سیفٹی ایجنسی کی جنرل ڈائریکٹر لینا  مارگریٹا ہواری  نے میڈیا کو بتایا کہ  لا ایسپرانزا سے 25کلومیٹر دور پہاڑی علاقے میں ایک مسافر بس سڑک سے پھسل کر گہری کھائی میں جا گری ۔انہوں نے بتایاکہ حادثے میں 9افراد ہلاک اور 30زخمی ہوگئے ہیں۔انہوں نیمزید بتایا کہ مقامی پولیس پولیس، فائر ڈپارٹمنٹ اور سول ڈیفنس کے اہلکاروں نے ہلاک اور زخمی ہونیوالوں کو قریبی ہسپتال میں منتقل کر دیا ہے  اور سپرنٹنڈنس آف ٹرانسپورٹیشن  کا دفتر حادثے کی وجہ جاننے کے لیے تحقیقات  کر رہا ہے۔