فیصل آباد (نمائندہ خصوصی) پولیس نے کارروائی کرتے ہوئے بدنام زمانہ ڈکیت گینگ کے تین ارکان کو حراست میں لے لیا۔ ڈاکو ڈکیتی، راہزنی اور قتل سمیت سنگین جرائم میں ملوث ہیں۔ تھانہ ٹھیکری والا پولیس نے کارروائی کرتے ہوئے اقرار عرف کدہ گینگ کے تین ڈکیت گرفتار کئے۔ اقرار، طارق بٹ اور عثمان نے دوران ڈکیتی 65 ج ب میں ایک شخص کو قتل کیا تھا۔ ڈاکوئوںکے قبضہ سے دوران ڈکیتی چھینی گئی رقم چالیس ہزار روپے اور دو عدد پسٹل برآمد ہوئے ہیں۔ دوران تفتیش اہم انکشافات کی توقع ہے۔