قصور(نمائندہ نوائے وقت)کوٹ رادھا کشن کے اڈا بھائی پھیرو میں پرانی رنجش پرسالے اور بہنوئی میں فائرنگ کا تبادلہ فائرنگ کے نتیجہ میں ایک شخص جابحق جبکہ 10 افراد زخمی ہوگئے۔ مظہر حسین اور صدیق جٹ وغیرہ جو کہ آپس میں سگے سالہ بہنوئی بھی ہیں اور چند دن قبل دونوں میں تلخ کلامی ہوئی جس کی رنجش پر مظہر حسین وغیرہ اور صدیق جٹ دونوں میں لڑئی ہوئی۔ مظہر جٹ اور صدیق سلطان گروپ کے درمیان کئی گھنٹے فائرنگ سے علاقہ میدان جنگ بنا رہا۔ جس کے نتیجہ میں 42/40 سالہ شبیر حسین لالے والا موقع پر ہی دم توڑ گیا جبکہ طارق، آصف، وسیم اکرم، تعظیم، ملک محمد شیر، محمد افضال، صدیق اور مبشر زخمی ہو گئے۔ جاں بحق شخص کی نعش اور دس زخمیوں کو ہسپتال منتقل کردیا گیا۔