شیخوپورہ(نامہ نگارخصوصی)انجمن تاجران کے صدر امجدنذیر بٹ نے کہا کہ سابق وزیراعظم میاں نواز شریف کی وطن واپسی پر انکافقید المثال استقبال کیا جائے گا اور استقبال سے ثابت ہوجائیگاپاکستانی قوم نواز شریف سے والہانہ عقیدت کا اظہار رکھتے ہیں کیونکہ میاں نواز شریف نے اپنے ہر دور اقتدار کے دوران ملک کو حقیقی معنوں میں ترقی اور خوشحالی کی شاہراہوں پر گامزن کرنے ،ملکی خودمختاری کو یقینی بنانے ،عام آدمی کے معیارزندگی کوبلند ، قومی پراجیکٹس کی تکمیل کو اولیت دی ہے یہی وجہ ہے نواز شریف عوام کے دلوں کی دھڑکن بن چکے ہیں ان خیالات کااظہارانہوںنے صحافیوںسے گفتگو کے دوران کیا اس موقع پر تاجروں اور معززین کی بڑی تعداد بھی موجودتھی۔